عێراق.. فڕۆكەیەكی بێفڕۆكەوانی بۆمبڕێژكراو خرایەخوارەوە

كەمێك لەمەوبەر فڕۆكەیەكی بێفڕۆكەوان كە تەقەمەنی هەڵگرتبوو، لە كەربەلا خرایەخوارەوە.

سەرچاوەیەك لە ئاسایشی نیشتمانیی عێراق ئاشكرایكرد، فڕۆكە بێفڕۆكەوانەكە 10 كیلۆگرام تی ئێن تی پێوەكرابوو، لە دەشتاییەكانی كەربەلا خراوەتەخوارەوە و ئامانجی گەیشتن بووە بە ناوجەرگەی شارەكە.

هاوكاتی ئەمە هێزە ئەمنییەكانی عێراق هەڵمەتێكی سەربازییان لە گوڵاڵە و چەند ناوچەیەكی تری پارێزگای دیالە بەرپاكردووە و تاڵب موسەوی فەرماندەی ئۆپەراسیۆنە هاوبەشەكان دەڵێت، لە گوڵاڵە و قەرەتەپە بەدوای چەكدارانی داعشدا دەگەڕێن.

ماوەی ساڵێكە بەكارهێنانی فڕۆكەی بێفڕۆكەوانی بۆمبڕێژكراو و مووشەكهەڵگر لە عێراق بووەتە دیاردە و چەندین جار بنكەكانی هێزەكانی ئەمریكا بەو جۆرە فڕۆكانە بۆردومانكراون.

سەرەتای ئەم مانگە سێ فڕۆكەی بێفڕۆكەوان هێرشیانكردەسەر ماڵی مستەفا كازمی سەرۆك وەزیرانی عێراق، بەڵام ناوبراو لە هێرشەكە دەربازبوو.

بابەتی پێشتر

ده‌زگاى لوتكه‌: تەرمی 27 كۆچبەری بەلەمە نقوومبووەكەی نێوان فەرەنسا و بەریتانیا ‏دۆزراونەتەوە

بابەتی دواتر

لە هەولێر هێزە ئەمنییەكان ڕووبەڕووی خوێندكاران و ڕۆژنامەنووسان دەبنەوە

بابەتی پەیوەندیدار
زیاتر ببینە

ئه‌نجومه‌نى وه‌زیرانى عێراق 250 ملیار دینارى دیكه‌ بۆ پاره‌ى گه‌نمى جوتیاران خه‌رج ده‌كات

ئه‌نجومه‌نى وه‌زیرانى عێراق ئه‌مڕۆ كۆبوونه‌وه‌ى ئاسایی هه‌فتانه‌ى خۆی ئه‌نجامدا و له‌ كۆبوونه‌وه‌كه‌شدا بڕیاردرا كه‌ 250 ملیار دینارى دیكه‌…
Total
0
Share