زۆرینەی ئەو کەسانەی فەرمانبەرن لە کۆی رۆژەکانی هەفتە تەنها رۆژێکیان هەیە بۆ پشوودان دەیانەوێت زۆرینەی کاتەکەیان بە نووستن بەسەردەبەن توێژینەوەیەکیش سوودی ئەمە ئاشکرادەکات.
توێژینەوەکە لەلایەن زانایانی چینییەوە ئەنجامدراوە و سەلماندوویەتی، نووستنی زۆر لە رۆژانی پشوودا بۆ قەرەبووکردنەوەی کەمخەوی رۆژانی کارکردن سوودی بۆ تەندروستی دڵ هەیە.
توێژەران دەڵێن، ئەم هەنگاوە مەترسی لەکارکەوتنی دڵ بە رێژەی 19-20% کەمدەکاتەوە.
هاوکات قەرەبووکردنەوەی خەو لە رۆژانی پشوودا هۆکارە بۆ زیادبوونی وزەی جەستە و بەرزبوونەوەی رێژەی بەرگریی جەستە و کۆنتڕۆڵکردنی ئاستی شەکری جەستە و پاراستنی لە نەخۆشی شەکرەی جۆری دووەم.
