توێژینەوەیەکی نوێی ئەمریکی دەریخستووە، پەیوەندییەکی پتەو لەنێوان نەخۆشییەکانی دڵ و شەکرە و شێرپەنجە لەگەڵ بوونی سەوزای لە چواردەوری مرۆڤ هەیە و ئەوانەی لەو گەڕەکانە دەژین کە سەوازایی زۆرە، مەترسیی نەخۆشییەکانیان لەسەر کەمترە.
پسپۆڕانی تەندروستی لە زانکۆی ڵویسڤێلی ویلایەتی کەنتاکی هەستاون بە چاودێری تەندروستیی 745 کەس لە شەش گەڕەکی هەژار نیشین و چینی ناوەڕاستی باشووری ڵویسڤێڵ کە رووبەڕی ناوچەکەیان چوار میلی چوارگۆشە بووە، هەموو داتاکانیان لێوەرگیراوە لە نمونەی خوێن، قژ، نینۆک و میز، پیسبوونی کەشوهەوای ناوچەکە و ئاستی درەخت لە ناوچەکە پێوانەکراون.
لە هەنگاوی دواتردا، لەماوەی چەند ساڵێکدا، پسپۆڕەکان لە رێگەی خەڵکی گەڕەکەکان خۆیانەوە زیاتر لە 8 هەزار درەختی جۆراوجۆریان چاندووە و پاشان تەندروستیی کەسەکانیان بەراوردکردووە و سەرنجیان داوە لە دوای رواندنی درەختەکان، ئەنجامەکان سەرسوڕهێنەربوون.
ئارونی باتناگار، سەرپەرشتیاری لێکۆڵێنەوەکە ئاماژەی بەوەکردووە، ئەوەی ئەوان بەدەستیان هێناوە ئەوەیە، “رواندنی درەخت و سەوزایی لە ناوچەکە ئەگەری مەترسی نەخۆشی دڵی بە رێژەی 13% کەمکردووەتەوە و هەمان کاریگەری وەرزشێکی بەردەوامی هەبووە لەسەر جەستەی دانیشتوانی گەڕەکەکە و هەوکردنی گشتیی بە رێژەی 13% بۆ 20% کەمکردووەتەوە.
پیتەر جەیمس، بەڕێوبەری سەرنتەری تەندروستیی ژینگەیی لە زانکۆی کالیفۆڕنیا لەبارەی ئەم توێژینەوەیەوە قسەی بۆ پێگەی ئێن بی سی ئەمریکی کردووە و وتویەتی، سروشتی پاک تەنها خزمەتگوزارییەکی زیادە نییە، سەوزایی تەنها بۆ دەوڵەمەندەکان نییە، بەڵکو پێویستییەکی بنەڕەتی مرۆڤە، دەبێت زیاتر گرنگی پێبدرێت.
