نرخی نەوت لە بازاڕەكانی جیهان دابەزینێكی پێوانەیی تۆماركرد و یەك بەرمیل نەوتی خاوی برێنت بە خوار 95 دۆلار مامەڵەی پێوەدەكرێـت.
ئێوارەی ئەمڕۆ پێنجشەممە، یەك بەرمیل نەوتی خاوی برێنت لە بازاڕەكانی جیهان بە 93 دۆلار و 95 سەنت مامەڵەی پێوەدەكرێت، بە بەراورد بە چەند ڕۆژی ڕابردوو نرخەكەی زۆر دابەزیوە.
نرخی یەك بەرمیل نەوتی خاوی تەكساس بە 88 دۆلار و 28 سەنت مامەڵەی پێوەدەكرێت، نرخی نەوت لە ماوەی شەش مانگدا نزمترین ئاستی تۆماركردووە.
گۆڕانكاری لە نرخی نەوت لە بازاڕەكانی جیهان پەیوەندی بە جەنگی ئۆكرانیا و سەپاندنی سزاكانی سەر ڕوسیا لەلایەن ئەمریكاوە هەیە.
