سەرۆكایەتیی شارەوانیی سلێمانی ئەم وێنانەی بڵاوكردووەتەوە و دەڵێت، “پڕۆژەی زیادكردنی سەوزایی و دروستكردنی پاركی ئۆتۆمبێل لە بەردەم پێشانگای نێودەوڵەتی لە تاسڵوجە خرایە بواری جێبەجێكردنەوە”.
ئاماژە بۆ ئەوە كراوە، لەیلا عومەر سەرۆكی شارەوانیی سلێمانی، بە یاوەریی بەڕێوەبەری شارەوانیی تاسڵوجە و بەڕێوەبەری باخچەكانی سلێمانی و لێپرسراوی بەشی پڕۆژەكانی شارەوانی و لێپرسراوی بەشی ئامێرەكان و بەرێوەبەری هۆبەی دیزاین، بەمەبەستی ئاگاداربوون لەئاستی كاركردن لە پڕۆژەكەدا، لەلایەن بەرێوەبەر و ستافی پێشانگای نێودەوڵەتی لە سلێمانی پیشوازییان لێكرا.
لە راگەیەندراوەكەی شارەوانیی سلێمانیدا هاتووە، باس لەجێبەجێكردنی دیزانی پڕۆژەكە كرا دواتر بە ئامادەبوونی سەرۆكی شارەوانی كۆبوونەوەیەك ئەنجامدرا، تایبەت بەپڕۆژەی زیادكردنی سەوزایی و دروستكردنی شەقام و پاركی ئۆتۆمبێل بۆ بەردەم پێشانگاكە.
