ئەندامێكی ئەنجومەنی نوێنەرانی عێراق رایدەگەیەنێت، بۆ مووچەی مانگی تەمموز سەرۆك وەزیرانی عێراق رەزامەندی لەسەر ناردنی پارەی تەرخانكراو بۆ مووچە دەدات.
دارا سێكانیانی، ئەندامی ئەنجومەنی نوێنەرانی عێراق لە دیدارێكی تەلەفزیۆنیدا رایگەیاند، پێشتر چەند جارێك وەزارەتی دارایی عێراق تێبینی لە لیستی مووچەی مووچەخۆرانی هەبووە و سەرۆك وەزیرانی عێراق رەزامەندی لەسەر ناردنی پارەی تەرخانكراو بۆ مووچەی مووچەخۆرانی هەرێم داوە و بۆ مووچەی مانگی تەمموز چاوەڕواندەكرێت محەمەد شیاع سودانی سەرۆك وەزیرانی عێراق رەزامەندی لەسەر ناردنی شایستەی دارایی مووچەخۆرانی هەرێم بدات.
وتیشی، ” بڕیارەكانی دادگای فیدراڵی كێشەی مووچەی چارەسەركرد، بەڵام دەبێت لە هەرێم مەرجەكان جێبەجێبكرێت كە بریتین لە بەبانكیكردنی مووچە، ناردنی داتا و زانیاریی تایبەت بە مووچەخۆران و رادەستكردنی داهاتە نانەوتییەكان بە بەغداد كە چەندین مانگە حكومەتی عێراق مووچەی ناردووە و هەرێم وەك پێویست ئەم مەرجانەی جێبەجێنەكردووە”.
