تەندروستیی سلێمانی رایدەگەیەنێت، گەنجێكی تەمەن 22 ساڵ دوای سووتانی جەستەی بە ڕێژەی 64 ٪ و مانەوەی نزیكەی سێ مانگ لە نەخۆشخانە، ئەمڕۆ بە تەندروستییەكی باشەوە نەخۆشخانەی جێهشێت.
بەڕێوەبەرایەتیی تەندروستیی سلێمانی لە راگەیەندراوێكدا دەڵێت، “نەخۆشێكی تەمەن 22 ساڵ بە رێژەی 64 ٪ و پلە 2 و 3 دوای مانەوەی 80 رۆژ و ئەنجامدانی دەیان نەشتەرگەریی سەخت و بێبەرامبەر و بە هەوڵی هەموو پزیشكان و كارمەندان و پەرستارانی نەخۆشخانەی سلێمانی بۆ نەشتەرگەری و جوانكاری، نەخۆشەكە بە تەندروستییەكی باشەوە نەخۆشخانەی بەجێهێشت.
ئاماژە بەوەش كراوە، ئەمە بۆ چەندەمین جارە نەخۆش لە نەخۆشخانەی سلێمانی بۆ نەشتەرگەری و سووتاوی و جوانكاریی پلەبەرز بەرێژەی لە 55 ٪ بەرەو سەر چاك دەبێتەوە كە ستاندارێكی جیهانییە.
