لیژنەیەك دەنێرێتە دهۆك.. پەرلەمانی عێراق لێكۆڵینەوە لە هێرشەكانی توركیا بۆ سەر هەرێم دەكات

لیژنەیەكی ئاسایش و بەرگری ئەنجومەنی نوێنەرانی عێراق سەردانی ئەو ناوچە سنوورییانە دەکەن کە لەلایەن تورکیاوە بۆردوومان دەکرێن.

حسێن عامری، ئەندامی لیژنەی ئاسایش و بەرگری لە ئەنجومەنی نوێنەران بە میدیا عێراقییەكانی وتووە، بەمنزیكانە لیژنەیەك ڕەوانەی ئەو ناوچانە دەكەن لە سنووری پارێزگای دهۆك كە لەلایەن توركیاوە بۆردوومان دەكرێن و بە وردی تاوتوێی بۆردوومان و ھێرشەکانی تورکیای بۆ سەر ناوچە سنوورییەکانی ھەرێمی کوردستان دەكەن.

جەختیشی كردووەتەوە، ڕاپۆرت لە بارەی زیان و کاریگەرییەکانی بۆردوومان و ھێرشەکانی تورکیا ئامادەدەکەن، دواتریش ناوەرۆکی ڕاپۆرتەکە لە ئەنجومەنی نوێنەران دەخەنەڕوو.

ڕۆژی 18ی نیسان، توركیا ئۆپەراسیۆنی چڕنووک – قوفڵی لە ناوچەکانی ئاڤاشین، مەتین و زاپ لە خاکی هەرێمی کوردستان بۆسەر گەریلاکانی پەکەکە دەستیپێکرد.

تاوەكو ئێستاش وەزارەتی بەرگریی تورکیا گیانلەدەستدانی 118 گەریلا و کوژرانی 21 سەربازی سوپای وڵاتەکەی لە ئۆپەراسیۆنەكەدا ڕاگەیاندووە، لە بەرامبەریشدا هەپەگە کوژرانی 501 سەربازی تورکیا و گیانلەدەستدانی 32 گەریلا و پچڕانی پەیوەندیی بە دوو تیمی گەریلا ڕاگەیاندووە.

بابەتی پێشتر

تەندروستیی سلێمانی: لەسەر داوای پەرلەمانتاران یەک حەبمان لە بەغدادەوە بۆ نەهاتووە

بابەتی دواتر

نزیكەی 20%ی خاكی ئۆكرانیا لەژێر دەستی ڕوسیادایە

بابەتی پەیوەندیدار
زیاتر ببینە

حكومه‌تى هه‌رێم ته‌رمى كۆچبه‌ره‌ كورده‌كانى نێوان فه‌ره‌نسا و به‌ریتانیا ده‌گه‌ڕێنێته‌وه‌

حكومه‌تی هه‌رێمی كوردستان بڕیاریدا ته‌رمی ئه‌و كۆچبه‌ره‌ كوردانه‌ بگه‌ڕێنێته‌وه‌ كه‌ له‌ ڕووداوه‌كه‌ی 24ی مانگی ڕابردوو له‌ ئاوه‌كانی نێوان…
Total
0
Share