خانەنشینانی گەرمیان لەبارەی وەرگرتنی فۆڕمی پێدانی زەوییەوە ئاگاداردەکرێنەوە

بەڕێوەبەرایەتیی خانەنشینی گەرمیان، رایدەگەیەنێت، سبەینێ فۆڕمی پێدانی زەوی خانەنشینان دابەشدەکرێت، چەند رێنماییەکیش بڵاودەکاتەوە.

بەڕێوەبەرایەتیی خانەنشینی گەرمیان، لە راگەیەندراوێکدا بڵاویکردەوە، بەپێی رێنمایی وەزارەتی دارایی و ئابوری و بەڕێوەبەرایەتیی گشتیی خانەنشین لە رۆژی دووشەممە 29ی تەمموزی 2024، فۆرمی دابەشکردنی زەوی لەبانکەکان دابەش دەکرێت.

بەڕێوەبەرایەتییەکە چەند رێنماییەک بە خانەنشینان دەدات:

1 – هەر خانەنشینێک لەکام بانکێک مووچە وەردەگرێت، دەبێت سەردانی ئەو بانکە بکات بۆ وەرگرتنی فۆرمەکە.

2 – تەنها خانەنشینی زیندوو دەگرێتەوە کە خۆی فەرمانبەر بووە و خاوەنی مووچەکەیە و خانەنشینی میراتگر مافی وەرگرتنی فۆرمەکەیان نییە.

3 – هەر خانەنشینێک کە كارتی زانیاریی ده‌ره‌وه‌ی هه‌رێمه‌ فۆرمی زه‌وی پێنادرێت.

4 – لەناو بەڕێوەبەرایەتیی خانەنشینی گەرمیان هیچ فۆرمێک دابەش ناکرێت و پڕناکرێتەوە لەبەرئەوە تکایە کەس بۆ ئەو مەبەستە سەردان نەکات.

5 – تەنها فۆڕمەکان لەبەڕێوەبەرایەتیی خانەنشینمان وەردەگیرێتەوە.

6- له‌كاتی وه‌رگرتنه‌وه‌ی فۆڕمه‌كان ده‌بێت كۆپی كارتی نیشتمانیی سه‌رۆك خێزان و خێزانی خانه‌نشین + كارتی زانیاری+ ناسنامه‌ی خانه‌نشینی هاوپێچی فۆرمه‌كه‌ بكرێته‌ له‌یه‌ك وه‌ره‌قه‌دابه ره‌نگاوڕه‌نگ.

7- ژن ومێرد ئه‌گه‌ر هه‌ردووكیان خانه‌نشین بوون هه‌ركه‌سێكیان خاڵی زیاتر بوو ئه‌وه‌یان فۆرمه‌كه‌ پڕبكاته‌وه‌.

8- خانه‌نشینان ته‌نها ئه‌م خاڵانه‌ پڕبكه‌نه‌وه‌(ناوی چواریی داواكار و ناوی چواریی دایك و شوێنی نیشته‌جێبوون به‌پێی كارتی زانیاری و شوێنی له‌دایكبوون و باری كۆمه‌ڵایه‌تی و ژماره‌ی ئه‌ندامانی خێزان و له‌خشته‌كه‌ی خواره‌وه‌ ناوی سه‌رۆك خێزان و خێزانه‌كه‌ی بنوسێت).

9- ئه‌م خاڵانه‌ له‌لایه‌ن به‌ڕێوه‌به‌رایه‌تمانه‌وه‌ پڕده‌كرێته‌وه‌ كارو فه‌رمانگەکە‌ كه‌لێی كارده‌كات و ژماره‌ی ساڵانی خزمه‌ت و پشتگیریی به‌رده‌وام له ‌راژه‌.