جۆ بایدن، سەرۆکی ئەمریکا دووپاتیکردەوە کە لە چەند مانگی داهاتوودا سەرنجی لەسەر جێبەجێکردنی ئەرکەکەی وەک سەرۆک دەبێت.
سەرۆکی ئەمریکا لەمیانی وتارێکیدا لە نووسینگەکەی خۆی سەبارەت بە کشانەوەی لە کێبڕکێی سەرۆکایەتیی وڵاتەکەی وتی، ”لە چەند مانگی داهاتوودا سەرنجم لەسەر جێبەجێکردنی ئەرکەکەم وەک سەرۆکی ئەمریکا دەبێت”.
ئاماژەی بەوەشکرد، ”کاردەکەم بۆ کۆتاییهێنان بە جەنگ و ئازادکردنی سەرجەم بارمتەکان، بەردەوام دەبم لە کارکردن بۆ سەقامگیری لە رۆژهەڵاتی ناوەڕاست”.
رۆژی 21ی تەمموز، جۆ بایدن رایگەیاند کە خۆی بۆ خولی دووەمی سەرۆکایەتیی وڵاتەکەی کاندید ناکات، هاوکات پشتگیری لە کاندیدکردنی جێگرەکەی ئێستای کاملا هێرس دەکات بۆ وەرگرتنی ئەو پۆستە دوای خۆی.
