وەزارەتی دارایی هەرێم رایدەگەیەنێت، بەمزووانە رێنمایی نوێ بۆ كارئاسانیی گەڕانەوەی پێشینەكان دەردەچێت.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، رۆژی سێشەممە ئاوات شێخ جەناب وەزیری دارایی و ئابوری لەگەڵ بەڕێوەبەری بەشێك لە بانكە پسپۆڕییەكانی وەزارەت كۆبۆوە و لە كۆبوونەوەكەدا پرسی گەڕانەوەی پێشینەكان لە بواری قەرزی نیشتەجێكردن و خانووبەرە و كشتوكاڵ و پیشەسازی و گەشتیاری بەوردی گفتوگۆی لەبارەوە كراو بەرپرسانی بانكەكان داتاو پێشنیازی خۆیان خستەڕوو.
هەر لە راگەیەندراوەكەدپێشینەكان ا هاتووە، ئاوات شێخ جەناب بانكە پسپۆڕییەكانی راسپارد بەزووترین كات راپۆرت و پێشنیازی خۆیان لەسەر شێوازی گەڕانەوەی پێشینەكان پێشكەشبكەن تا لە كۆبوونەوەی ئەنجومەنی وەزیران بڕیاری پێویستی لەبارەوە بدرێت و دواتر رێنمایی پێویستی بۆ دەردەكرێت بەجۆرێك لەبەرژەوەندیی هاوڵاتییان و ئەو چین و توێژانە بێت كە پێشینەكانیان وەرگرتووە.
