وەرگرتنی گەنم دەستیپێكرد.. شایستە داراییەكانی جوتیاران دەخرێتە بودجەی 2022ی عێراقەوە

وەزیری بازرگانیی هەرێم ڕایگەیاند، بڕیاردراوە شایستە داراییەکانی جوتیارانی هەرێم بۆ ساڵەکانی (2014-2015-2016)، بخرێتە بودجەی ساڵی 2022.

ئەمڕۆ یەکەم ڕۆژی وەرگرتنی گەنمی جوتیاران لە هەولێر دەستیپێکرد، کەمال موسلیم وەزیری بازرگانی لە كۆنگرەیەكی ڕۆژنامەوانیدا ڕایگەیاند، شایستە داراییەکانی جوتیارانی هەرێم بۆ ساڵەکانی (2014 و 2015 و 2016)، خراوەتە نێو بودجەی ساڵی 2022ی عێراق و هەرکاتێک بودجە لە پەرلەمانەوە بڕوات ئەو پارەیە لەوێ جێگیر دەکرێت و جوتیاران لێی سودمەند دەبن.

دەربارەی دابەشکردنی بەشە ئاردیش جەختی كردەوە، دابەشکردنی بەشەئاردی هاوڵاتییان دەستیپێکردووە و ئێستاش کە هاتنی گەنم دەستیپێکردووە پڕۆسەکە خێراتر بووە.

جەختی کردەوە، وشکەساڵی کاریگەری زۆری هەبووە و وایکردووە بڕی بەرهەمی گەنم کەم بکات.

لای خۆیەوە، بەڕێوەبەری گشتیی بازرگانی عێراق ڕایگەیاند، بۆ پرسی وەرگرتنی پارەی گەنمی جوتیاران، هەماهەنگییەکی زۆر باش لە نێوان هەرێم و ناوەندا هەیە.

بەرپرسەكەی وەزارەتی بازرگانیی عێراق وتیشی، هەموو ڕێکارەکانی وەرگرتنی گەنم بەسەرکەوتووی بەڕێوەدەچن بۆ مسۆگەرکردنی پارەی گەنمی جوتیارانیش پێویست ناکات دڵەراوکێییەک هەبێت لەو بارەیەوە.

بابەتی پێشتر

پۆچتینۆ: بنزیمە یاریزانێکی گەورەیە و شایەنی ناسناوێکی گەورەیە

بابەتی دواتر

داعش لەناو كامپی هۆل چالاكە و شەوانە دانیشتووان دەكوژێت

بابەتی پەیوەندیدار
زیاتر ببینە

هۆكاری گرانبوونی مریشك ئاشكراكرا..‏ “هەموو شتێك گران بووە و‏ زۆربەی مریشكەكانیش دەمرن”‏

کۆمەڵەی کێڵگە پەلەوەرییەکان لەبارەی گرانبوونی نرخی مریشکەوە ڕوونکردنەوەیەکی بڵاوکردووەتەوە و هۆکارەکانی ئاشکرادەکات، بەپێی ڕوونکردنەوەکە یەکێک لە هۆکارەکان لەناوچوونی…
Total
0
Share