بەپێی پێشبینییەكانی كەشناسی سبەی پلەی گەرمی لە حەوت پارێزگای عێراق دەگاتە نیوەی پلەی كوڵان.
دەستەی كەشناسیی عێراق رایگەیاند، كەشوهەوای سبەی هەینی گەرم و خۆرەتاو دەبێت لەگەڵ پەڵەهەور، پلەی گەرمیی ناوچەكانی هەرێمی كوردستان و باكووری عێراق كەمێك بەرزدەبێتەوە، لە ناوچەكانی ناوەڕاست و باشوور وەك ئەمڕۆ دەبێت.
ئەوەشی خستەڕوو، سبەی پلەی گەرمیی پارێزگاكانی (بەغداد، بابل، میسان، نەجەف، زیقار، موسەننا و بەسڕە) دەگاتە نیوەی پلەی كوڵان.
هەر بەپێی پێشبینییەكان رۆژی شەممە، كەشوهەوا گەرم و خۆرەتاو دەبێت لەگەڵ هەندێك پەڵەهەور، پلەی گەرمی گۆڕانی بەسەردانایەت.
