زیارەتكارێكی ئێرانی گیانیلەدەستدا و 60ی دیكە برینداربوون لە ئاكامی پێكدادان لەنێوان پاسێكی نەفەرهەڵگر و تانكەرێكی نەوت لە پارێزگای دیوانییە.
میدیاكانی عێراق بڵاویانكردەوە، رووداوەكە بەرەبەیانی ئەمڕۆ لەسەر رێگای خێرای دیوانییە بووە و، بریندارەكان رەوانەی نەخۆشخانە كراون.
جگە لەو زیارەتكارەی گیانیلەدەستداوە، شۆفێری پاسەكەش كە عێراقییە گیانیلەدەستداوە و بەپێی میدیاكان باری تەندروستیی بەشێك لە بریندارانیش ناجێگیرە.
پاسەكە كە لە رێگای گەڕانەوەدا بووە بۆ ئێران، خۆی بە تانكەرەكەدا كێشاوە.
دوێنێش لە دیالە لە ئاكامی رووداوێكی هاتوچۆدا حەوت زیارەتكار برینداربوون.
