کەشناسیی عێراق رایدەگەیەنێت، لە نۆ پارێزگای عێراق پلەی گەرمی نیوەی پلەی کوڵان تۆماردەکات، لە هەرێمی کوردستانیش گەرمیان 48 پلە تۆماردەکات.
ئەمڕۆ چوارشەممە، دەستەی کەشناسیی عێراق لە راگەیەندراوێکدا بڵاویکردەوە، سبەینێ پێنجشەممە لە پارێزگاکانی بەغداد، کەربەلا، واست، نەجەف، و موسەنا پلەی گەرمی دەگاتە 50 پلەی سیلیزی.
دەستەی کەشناسیی عێراق دەشڵێت، لە پارێزگاکانی میسان، دیوانیە، بەسرە، و زیقار پلەی گەرمی دەگاتە 51 پلەی سیلیزی.
هاوکات بەپێی راگەیەندراوی بەڕێوەبەرایەتیی گشتیی کەشناسی و بومەلەرزەزانیی هەرێم، پلەی گەرمی لەناوچەکانی هەرێم زیاتر بەرزدەبێتەوە و بەرزترین پلە گەرمیان تۆماریدەکات کە دەگاتە 48 پلەی سیلیزی.
