بەشێك لە شیعرەكانی عەبدوڵا پەشێو وەردەگێڕدرێنە سەر زمانی فینلەندی و ئەو شاعیرەش لە فێستیڤاڵێكدا پێشكەشی دەكات.
رۆژی شەممە 8ی حوزەیران لە شاری تامپرێ-ی فینلەندا حەڤدەهەمین “فێستیڤاڵی شیعری ئانیکی” بەڕێوەچوو.
بۆ یەکەمین جارە شیعرەکانی عەبدوڵا پەشێو وەردەگێڕدێنە سەر زمانی فینلەندی و، لەمیانەی فێستیڤاڵەكەدا لەلایەن پەشێو-ی شاعیرەوە پێشکەشی ئامادەبووان كرا.
فێستیڤاڵەكە لە ساڵی 2003-وە تاکوو ئێستا بەردەوامە و لە یەکێک لە گەڕەکەکانی شاری تامپرێ خۆبەخشانە رێکدەخرێت.
