تەندروستیی سلێمانی، رایدەگەیەنێت، “لە مانگی رابردوودا 145 نەشتەرگەری لە نەخۆشخانەی سووتاوی ئەنجامدراون”.
بەڕێوبەرایەتیی گشتیی تەندروستیی سلێمانی، لە راگەیەندراوێکدا بڵاویکردەوە، مانگی رابردوو لە نەخۆشخانەی سووتاوی و نەشتەرگەریی جوانكاریی ئیمێرجنسی لەشاری سلێمانی هەزار و 569 كەس سەردانیان كردووە و چارەسەری پێویستیان بۆ كراوە.
تەندروستیی سلێمانی، دەڵێت، هەر لەو ماوەیەدا 237 كەس سەردانی بەشی فریاكەوتن و هەزار و 20 كەس سەردانی بەشی راوێژكاری نەخۆشخانەكە و 312 كەس سەردانی بەشی چارەسەری سروشتییان كردووە.
بەپێی راگەیەندراوەکەی تەندروستیی سلێمانی، لەماوەی مانگی رابردوودا لە نەخۆشخانەی سووتاوی و نەشتەرگەریی جوانكاری 13 نەشتەگەریی سەرووگەورە و 127 نەشتەرگەریی گەورە و 5 نەشتەرگەریی مامناوەند ئەنجامدراون، هەروەها 148 كەس داخڵكراون و 16 كەسیان لەبەشی سووتاوی و 132 نەخۆشیان لەبەشی جوانكاری بوون.
