بەڕێوەبەرایەتیی هاتوچۆی سلێمانی دەستبەسەرداگرتنی دوو ئۆتۆمبێلی راگەیاند کە لەسەر رێگای کەلار – سلێمانی پێشبڕکێیان کردبوو.
بەڕێوەبەرایەتیی هاتوچۆی سلێمانی بڵاویکردەوە، دوابه دواى بڵابوونەوەى گرتەى ڤیدیۆیەکى دیمەنى پێشبڕکێى دوو ئۆتۆمبێلی تاکسی لە رێگاى کەلار-سلێمانى
سەرلەبەیانى ئەمڕۆ دوا بەدواى بەدواداچوونى مەفرەزە تایبەتمەندەکانی بەڕێوبەرێتیى هاتوچۆى قەزاى ناوەند توانرا دەست بەسەر هەردوو ئۆتۆمبێلەکەدا ناوبراودا بگیرێت و رەوانەى گەراجى دەست بەسەرداگرتنى بەڕێوبەرایەتیى هاتوچۆى سلێمانى بکرێت و هەردوو شۆفێرەکە بەپێى یاسا لێپرسینەوەیان لەگەڵ دەکرێت.
داوایشیکرد، شۆفێران رەچاوى یاسا و رێنماییەکانى هاتووچۆ بکەن پابەند بن بەخێرایى دیاریکراوەکان بەمەبەستى پاراستنیان لە رووداوە کارەساتبارەکانى هاتووچۆ.
