قائیمقامییەتی قەزای کەلار ڕایگەیاند، لیژنەکانیان لە ماوەی ساڵی 2021دا زیاتر لە 29 تۆن دەرمانی کۆگاکان و دەرمانخانەکانیان لەناوبردووە.
لە ڕاگەیەندراوێکدا قائیمقامییەتی قەزای کەلار ئاماژەی بەوە کردووە، لیژنەکانی تاقیگە و دەرمانخانەکان لە ساڵی ڕابردوودا هەزار و 975 تاقیگە و دەرمانخانەیان پشکنیوە و سەردانیان کردوون، لەو ژمارەیە 63 شوێن بە سزای دارایی سزادراون.
هەروەها شەش شوێن داخراون و هەزار پارچە دەرمانی ماوەبەسەرچوو دەستیان بەسەرداگیراوە.
ئاماژە بەوە کراوە، لەو ماوەیەدا زیاتر لە 29 تۆن دەرمانی ماوەبەسەرچوو لەلایەن خاوەن کۆگاکانی دەرمان و دەرمانخانەکان ڕادەستکراون و دواتر لەناوبراون.
