ئەندامێکی لیژنەی دارایی ئەنجومەنی نوێنەرانی عێراق رایدەگەیەنێت، کورتهێنانی بودجە زیاترە لە 64 تریلیۆن دینار و بەرمیلێک نەوت بە 80 دۆلار خەمڵێندراوە.
د. نەرمین مەعروف، ئەندامی لیژنەی دارایی ئەنجومەنی نوێنەرانی عێراق رایگەیاند، ئەمڕۆ یەکشەممە، کۆبووبەوەکانی لیژنەی دارایی ئەنجومەنی نوێنەران تایبەت بە گفتۆگۆی هەمواری یاسای بودجەی فیدراڵی بۆ ساڵی 2024 بەردەوامییان هەبوو.
ئاماژەی بەوەش کرد، قەبارەی خەرجیی خەمڵێندراو زیاترە لە 211 تریلیۆن دینار، و بڕی کورتهینانی بودجە زیاترە لە 64 تریلیۆن دینار.
بەپێی وتەی د. نەرمین مەعروف، یەکێک لە سەرچاوەکانی پارەدارکردنی کورتهێنان زیادەی نرخی فرۆشتنی نەوتی خاوە کە بە 70 دۆلار بۆ یەک بەرمیل خەمڵێندراوە لە بودجە و چاوەڕواندەکرێت بە تێکڕا نرخەکەی لە ئەمساڵدا 80 دۆلار بێت.
