کاتژمێر 12:00 ی ئەمشەو کۆتایی بە پرۆسەی سەرژمێریی گشتیی دانیشتووان لە عێراق دێت کە ماوەی یەک مانگە دەستیپێکردووە.
دەستەی ئاماری هەرێمی کوردستان بڵاویکردەوە، کاتژمێر 12:00 ی ئەمشەو کۆتایی بە پرۆسەی سەرژمێریی گشتی لە عێراق و هەرێم دەهێنین.
ئاماژەی بەوەشکرد، سەرەڕای بوونی ئاستەنگی دارایی، تەکنیکی و هونەری، کەمی کات لەبەردەممان، بۆ ئامادەکاری و جێبەجێکردنی پرۆسەی سەرژمێری گشتیی دانیشتوان لە هەرێم و ناوچە کورستانیەکانی دەرەوەی ئیدارەی هەرێم ، دواجار توانرا ئەم پرۆسە گەورە وگرنگە بە باشترین شێوە بەڕێوەبچێت.
پرۆسەی سەرژمێریی گشتیی دانیشتووان بە سێ قۆناغ بەڕێوەچوو، کە قۆناغی یەکەمی لە 15 ی مانگی رابردوو دەستیپێکرد، قۆناغی دووەم لە 20-21 ی مانگی رابردوو و قۆناغی سێیەم و کۆتاییش لە سەرەتای ئەم مانگەوە دەستیپێکرد.
