محەمەد کەمال نوێنەری مامۆستایانی وانەبێژ لە نوسراوێکدا داوادەکات، حکومەتی هەرێم لیستی ناوی مامۆستایانی وانەبێژ بخاتە ناو لیستی مووچەی مووچەخۆرانەوە و بینێرێت بۆ بەغداد بۆ ئەوەی ئەندامانی ئەنجومەنی نوێنەران بتوانن داوای گواستنەوەی تەرخانیی دارایی وانەبێژان بکەن بۆ سەر بودجەی هەرێم و ئەو پارەیەی بەغداد دابینی دەکات.
محەمەد کەمال لە نوسراوەکەیدا ئاماژەی بەوەشکردووە، وەزارەتی دارایی بەرپرسیارە لە دواخستن و دانەنای ناوی وانەبێژان و ئەو چینانە بۆ لیستی مووچەخۆران، دەشڵیت، “ئەمە بارگرانی دارایی لەسەر حکومەتی هەرێمی کوردستان کەمدەکاتەوە و پەرلەمانتاران دەتوانن داوای ئەم گواستنەوەیە بکەن و ئاسانتر مافی ئەم توێژانە لە عێراقەوە دەستەبەر دەکرێت”.
ئەوەشی روونکردووەتەوە، لەو پارەی بودجەی دیاریکراوە بۆ هەرێم کە 14 ترلیۆن و 840 ملیارێکە، 3 ترلیۆن و 840 ملیار لە پارەی مووچە دەمێنیتەوە و ئاسان دەتواندرێت وانەبێژان بکرێنە هەمیشەیی نەک گرێبەست.
