بەڕێوەبەرایەتیی كەشناسیی هەرێم رایدەگەیەنێت، ئەمڕۆ لە نیوەڕۆدا شەپۆڵێكی دیكەی بارانبارین روو لە ناوچەكەمان دەكات سەرەتا بارانبارین لە باكووری رۆژئاوای هەرێم دەستپێدەكات و دواتر تەواوی ناوچەكانی تر دەگرێتەوە و باران بەشێوەی بارانی مامناوەند دەبێت هەندێک كات لێزمە باران و هەورە تریشقەشی لەگەڵ دەبێت.
بەپێی راگەیەندراوێكی بەڕێوەبەرایەتیی كەشناسیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان هەوری تەواو دەبێت و لە نیوەڕۆدا شەپۆڵێكی دیكەی بارانبارین ڕوو لە ناوچەكەمان دەكات سەرەتا بارانبارین لە باكووری رۆژئاوای هەرێم دەستپێدەكات و دواتر تەواوی ناوچەكانی تر دەگرێتەوە و باران بەشێوەی بارانی مامناوەند دەبێت هەندێك كات لێزمەباران و هەورە تریشقەشی لەگەڵ دەبێت.
هەر لە راگەیەندراوەكەدا هاتووە، ئەو ناوچانەی ئەمڕۆ پێشبینیدەكرێت ئاستی دابارین زیاتر بێت بەراورد بە ناوچەكانی دیكە بەشێك لە رۆژهەڵاتی پارێزگای هەولێر وەك ( كۆیە و تەق تەق و هیران ) هەروەها بەشێك لە سنووری ئیدارەی گەرمیان رۆژهەڵاتی و پارێزگای كەركوك.
هەر لە راگەیەندراوەكەدا هاتووە، سبەی شەممە ئاسمان بە گشتی هەوری تەواو دەبێت و نمەباران و بارانی مامناوەند لە زۆربەی ناوچەكان دەبارێت هەروەها لە هەندێك كات هەورە تریشقە لەگەڵ دەبێت و پێشبینیدەكرێت لە كاتەكانی شەودا لە ناوچە شاخاوییە سنوورییەكان و بەرزەكان بەفر بارینێكی كەم هەبێت و پلەكانی گەرما بە نزیكەی 2 تــــا 4 پلە نزمتر دەبن لە تۆماركراوەكانی ئەمڕۆ.
بەرزترین پلەكانی گەرمای پێشبینیكراو بە پلەی سیلیزی:
هەولێر : 14
سلێمانی : 10
دهۆك : 14
كەركوك : 17
هەڵەبجە : 10
زاخۆ : 15
سۆران : 5
حاجی ئۆمەران : 0
گەرمیان : 18
