بەڕێوەبەرایەتیی هاتوچۆی گەرمیان بڵاویکردەوە، لە ناو شاری کەلار نزیک کەمپی زانکوی گەرمیان بەهۆی رووداوێکی هاتوچۆوە لێخوڕی ماتۆڕسکیلێک گیانیلەدەستدا.
بەڕێوەبەرایەتییەکە ئاماژەی بەوەکردووە، رووداوەکە لە جۆری پێکدادان بووە و لە نیوان ئۆتۆمبێلێکی بارهەڵگر و ماتۆڕسکیلێکی دوو تایە روویداوە و لە ئەنجامی رووداوەکە لێخوڕی ماتۆڕسکیلەکە گیانی لەدەستدا و کەسێکیش بریندار بوو.
باس لەوەشکراوە، بریندارەکە رەوانەی نەخۆشخانەی فریاکەوتنی شەهید هەژار لەکەلار کرا و لەلایەن تیمی هاتوچۆوە لێکۆڵینەوە لە رووداوەکە دەستی پێکردووە.
