دوو بانكی حكومی دۆلار بە نرخی رەسمی بەو كەسانە دەدات كە ئەمساڵ فەریزەی حەج ئەنجامدەدەن و دەتوانن تاوەكو سێ هەزار دۆلار سوودمەندببن و دۆلاریان بە نرخی رەسمیی بانكی ناوەندیی عێراق پێدەدرێت.
بەپێی راگەیەندراوی هەردوو بانكی رەشید و رافیدەین تێیدا هاتووە، ئەو كەسانەی ئەمساڵ بە نیازن فەریزەی حەج ئەنجامبدەن دەتوانن لە وەرگرتنی دۆلار بە نرخی رەسمی سوودمەندببن و تاوەكو سێ هەزار دۆلاریان پێدەدرێت.
هەردوو بانكەكە ئاماژەیان بۆ ئەوەش كردووە، لە سەرجەم لقەكانی هەردوو بانكەكە لە پارێزگاكانی عێراق حاجییان دەتوانن لەو بڕیارە سوودمەندبن و دۆلار بە نرخی رەسمی وەربگرن.
