لە دوای ئەوەی لە دیدارێكدا تۆڕی میدیایی ئێستادا چیرۆكی سەهەند سدیقی خستەڕوو، راستەوخۆ لە نووسینگەی قوباد تاڵەبانییەوە بانگهێشتكرا و بەڵێندرا هەموو پاڵپشتیی ماددیی و مەعنەوی بكرێت.
بەپێی زانیارییەكان، بەڵێن بە سەهەند سدیق دراوە كە خوێندنەكەی تەواو بكات و هەموو پاڵپشتییەكی ماددی و مەعنەوی دەكرێت.
هاوكات سەهەند سدیق لە لێدوانێكیدا بە تۆڕی میدیایی ئێستای راگەیاند، سوپاسی قوباد تاڵەبانی جێگری سەرۆك وەزیران و نووسینگەكەی دەكەم كە سەلماندیان پشتیوانی گەنجانن و ئامادەیی خۆشیان بۆ هەموو هاوكارییەك دەربڕیوە.
سەهەند سدیق، ئەو گەنجە بوو لە بەرنامەیەكی دەنگخۆشیدا بەشدارییكرد و گۆرانییەكەی و بەشداریكردنەكەی كاردانەوەی تۆڕە كۆمەڵایەتییەكانی لێكەوتەوە كە ئاماژەی بۆ ئەوە كردبوو بەشداریكردنی لە بەرنامەكە بۆ ئەوە بووە كە گوزەرانی خراپ بووە بەم كارەی بژێویی بۆ ژیانی خۆی و خانەوادەكەی دابینبكات.
