ئێوارەی ئەمڕۆ لەکاتی داخستنی بازاڕەکانی دراو بەهای دۆلار بەرزبووەوە و 100 دۆلاری ئەمریکی بەرامبەر بە 146 هەزار و 150 دینار مامەڵەی پێوەکرا.
بەرزبوونەوەی بەهای دۆلار لەکاتێکدایە لەماوەی هەفتەی رابردوودا بەهای دۆلار لەنێوان 145 هەزار بۆ 146 هەزار دیناردا بوو، بەڵام ئەمڕۆ بەربەرستی 146 هەزاری جارێکی دیکە شکاند و بەهاکەی بەرزتربووەوە.
لە کاتی کردنەوەی بازاڕەکانی دراو لە بەیانی ئەمڕۆدا بەهای 100 دۆلاری ئەمریکی بەرامبەر بە 145 هەزار و 750 دینار بوو.
