ئەمڕۆ هەردوو هەڵبژاردەی عێراق و سعودیە رووبەرووی یەکتردەبنەوە لە قۆناغی کۆمەڵەکانی جامی کەنداو 2026 و بە یەکێک لە یارییە گرنگەکان هەژماردەکرێت چونکە یەکلاکەرەوە دەبێت کە کێ بۆ قۆناغی داهاتوو سەردەکەوێت.
بڕیارە ئەمڕۆ یارییەکە لە میانی گەڕی سێیەمی جامی کەنداو لە کاتژمێر 5:30 خولەک بەڕێوەبچێت و عێراق بۆ بردنەوە دەجەنگێت، سعودیەش لە بەرامبەردا شەڕی نەدۆڕان یاخود یەکسان بوون دەکات بۆ سەرکەوتن بۆ قۆناغی داهاتوو.
لە کۆمەڵەکەی عێراقدا، بەحرەین و سعودیە و یەمەن بوونی هەیە، عێراق یارییەکەی بردووەتەوە لە یەمەن و یارییەک بە بەحرەین دۆڕاوە، لە بەرامبەریشدا، سعودیە یارییەکی بە بەحرەین دۆڕاندووە و یارییەکی لە یەمەن بردووەتەوە.
بەحرەین خاوەنی زۆرترین خاڵە کە شەش خاڵە و پاشان سعودیە لە پلەی دووەمدا دێت بە سێ خاڵ و عێراق لە پلەی سێهەمدا دێت بە سێ خاڵ و یەمەنیش هیچ خاڵێکی بەدەست نەهێناوە.
