دوو کرێکاری بەرەگەز عەرەب لە گوندێکی سنووری دەشتی هەولێر بەهۆی هەورەبروسکەوە گیانیان لەدەستدا.
پەیامنێری تۆڕی میدیایی ئێستا گواستییەوە، لە گوندێکی سنووری دەشتی هەولێر هەورە بروسکە لە دوو کرێکاری بەرەگەز عەرەبی داوە و بەهۆیەوە هەردووکیان گیانیان لەدەستداوە.
ئاماژەی بەوەشکرد، یەکێک لە کرێکارەکان تەمەنی 28 ساڵانە و ئەوی دیکەش تەمەنی 21 ساڵانە، لە ئێستادا تەرمەکانیان رەوانەی پەیمانگەی پزیشکی هەولێر کراوە.
