ڕێگای سەرەكیی كەركوك – بەغداد نۆژەندەكرێتەوە

لە ماوەی ئەوپەڕی ساڵ و نیوێكدا ئامادەدەبێت

وەزارەتی نیشتەجێكردنی عێراق دەستپێكردنی نۆژەنكردنەوەی ڕێگای سەرەكیی كەركوك – بەغداد ڕادەگەیەنێت و دەڵێت، لە ماوەی ساڵ و نیوێكی دیكەدا تەواودەبێت.

حسێن جاسم، بەڕێوەبەری گشتیی ڕێگاوبان سەر بە وەزارەتی نیشتەجێكردن ڕایگەیاند، دەست بە كاركردن لە پڕۆژەی نوێكردنەوەی ڕێگای كەركوك – بەغداد بە درێژایی 400 كیلۆمەتر بە هەردوو ڕێگای هاتن و ڕۆیشتن لە دەروازەی بەغدادەوە.

وتیشی، شوێنە زیانپێگەیشتووەكانی شەقامەكە هەڵدەگیرێن و دووبارە بەردڕێژ و ئامادەدەكرێنەوە، جگە لە چاككردنەوەی قەنتەرەكان و پردەكانی سەر ڕێگاكە و دانانی نیشانە و ئاماژەكانی هاتوچۆ بەدرێژایی ڕێگاكە.

بەرپرسەكەی ڕێگاوبان ئەوەشی خستەڕوو، لەو ناوچانەی هاتوچۆی زۆرتریان لەسەرە وەك خاڵس، دووز خورماتوو و شوێنی بازگەكان، ڕێگاكان ڕێكخراوتر دەبن و بە كۆنكرێت بەهێزدەكرێن، بۆ ئەوەی بەرگەی وەستانی بارهەڵگرەكان بۆ كاتێكی درێژتر بگرن.

ڕوونیشیكردەوە، ڕێگاكە لە ماوەی ئەوپەڕی ساڵ و نیوێكدا ئامادەدەبێت، بۆ سوودوەرگرتن لە كاتیش ڕێگاكە دابەشی چوار بەش كراوە.

بابەتی پێشتر

وڵاتێكی عەرەبی بڕیارێكی لە بەرژەوەندیی ڕەگەزگۆڕەكان دا

بابەتی دواتر

پارچە شوێنەوارێكی گەورە لە ئاوەڕۆیەكدا لە عێراق دۆزرایەوە

بابەتی پەیوەندیدار
زیاتر ببینە

لەبارەی فۆرمی دامەزراندنی پاسەوانانی سنوورەوە ئاگادارییەک بڵاودەکرێتەوە

فەرماندەیی پاسەوانی سنوور لەبارەی پرکردنەوەی فۆرمی دامەزراندنەوە ئەوکەسانە ئاگادەردەکاتەوە کە فۆرمەکەیان پڕکردووەتەوە و داوادەکات بیگەڕێننەوە بارەگای فەرماندەیی. لە…
Total
0
Share