بەپێی پێشبینییەکانی کەشناسیی هەرێم، سبەینێ سێشەممە لە کاتەکانی ئێوارەدا کاریگەرییەکانی شەپۆلی بارانبارین لاواز دەبێت.
بەڕێوەبەرایەتیی کەشناسی و بومەلەرزەزانیی هەرێم بڵاویکردەوە، ئەمڕۆ دووشەممە ئاسمان هەوری تەواو دەبێت، لەگەڵ نمەباران هەندێک جار بۆ تاوە باران و بروسکەی ناوبەناو دەگۆڕێت لە زۆربەی ناوچەکانی هەرێم، رێژەی دابارین لە ناوچە شاخاوییەکان و ناوچەکانی باکووری رۆژهەڵات و رۆژهەڵاتی پارێزگاکانی سلێمانی و هەڵەبجە زیاتر دەبێت.
ئاشکراشیکرد، سبەینێ سێشەممە ئاسمان هەورى تەواو دەبێت، لە کاتەکانی بەیانى زوو تاوە بارانی مام ناوەند و هەورە تریشقە لە سنوورى باشووری پارێزگاى دهۆک و سنوورى پارێزگاى هەولێر دەبێت پاشان کاریگەری بۆ تەواوی ناوچەکانی هەرێم درێژ دەبێتەوە و لەکاتەکانی ئێوارە کاریگەریی لاواز دەبێت.
