لەلایەن فەرەنساوە زیاتر لە 60 كۆچبەری نایاسایی، كە لەنێوانیاندا ژن و منداڵ هەن، لەكاتی هەوڵدان بۆ پەڕینەوە بەرەو بەریتانیا رزگاركران، وەك ئەوەی دەسەڵاتدارانی فەرەنسا بڵاویانكردەوە.
بەڕێوەبەرایەتیی دەریایی فەرەنسا بڵاویكردەوە، بەیانیی ئەمڕۆ پێنجشەممە خزمەتگوزاریی بەهاناوەچوون ئاگاداركرایەوە لەبارەی بەلەمێكی كۆچبەران لە نزیك كەناراوەكانی (دییب).
ئاشكراشیكرد، تیمەكانیان 66 كۆچبەریان رزگاركردووە، كە لەنێوانیاندا ژن و منداڵ هەن.
ئەمەش لەكاتێكدایە حكومەتی بەریتانیا ئەگەری گواستنەوەی ژمارەیەك لە خوازیارانی مافی مانەوەی بۆ رواندا كە پێنج هەزار و 700 كەس لەخۆدەگرێت تا كۆتایی ئەمساڵ راگەیاند.
ئەو هەوڵەش دوای ئەو یاسا مشتومڕ ئامێزە دێت كە بەمدواییە تایبەت بە رێگری لە پەڕینەوەی نایاسایی لە مانش-ەوە بەرەو وڵاتەكە پەسەندكرا.
