نەتەوە یەکگرتووەکان پێشبینیی دەکات ژمارەی ئاوارەکانی ئۆکرانیا لە پێنج ملیۆنەوە کە ئێستا گەیشتووەتە ئەو ژمارەیە، بەرزببێتەوە بۆ 8.3 ملیۆن.
وەزیری دادی سویسرا لەزاری کۆمسیۆنی نەتەوە یەکگرتووەکان بۆ کاروباری پەنابەران ڕایگەیاندووە، “فراوانتربوونی جەنگی ئۆکرانیا دەبێتەهۆی ئاوارەبوونی 15 ملیۆن کەس”.
کۆمسیۆنەکە لەسەرەتای جەنگی ئۆکرانیاوە پێشبینیی ئاوارەبوونی چوار ملیۆن ئۆکرانیی کردبوو، بۆ ئەو مەبەستەش داوای کۆکردنەوەی بڕی 1.85 ملیار دۆلاری کرد وەک کۆمەک بۆ ئەو ئۆکرانیانەی وڵاتەکەیان جێهێشتووە.
ئاماژە بەوەشکراوە، لەسەرەتای شەڕەوە لە ئۆکرانیا 12.7 هاوڵاتیی ئۆکرانی ئاوارەبوون لەوژمارەیە پێنج ملیۆنیان لەڕێگەی دەروازە جیاوازەکانەوە لەئۆکرانیا چوونەتەدەرەوە و 7.7یشیان ئاوارەی ناوخۆیین.
