سەرۆکایەتیی شارەوانیی سلێمانی رایدەگەیەنێت، ئەمڕۆ بەشێکی شەقامی دابان کۆنکرێت کرا و کێشەی لێچوونی بۆری ئاوی ئەو ناوچەیەش چارەسەرکرا.
لەبارەی هەنگاوەکانی پڕۆژەی شەقامی دابان سەرۆکایەتیی شارەوانیی سلێمانی ئەوەی خستەڕوو، ”پاش سەردانی سەرۆکی شارەوانی بۆ پڕۆژەکە و هەبوونی گرفتی لێچوونی بۆری ئاوی ئەو ناوچەیە بەڵێنیدا کێشە و ئاستەنگەکان چارەسەر بکات”.
دەشڵێت، ”ئەمڕۆ کۆنکرێتی شەقامەکە تاوەکو نزیک شەقامی ئاشتی ئەنجامدرا و لە داھاتوویەکی نزیکیشدا قیر دەکرێت”.
