چەکدارانی داعش کاتژمێر 10:30ی خولەکی ئەمشەو، چەکدارانی داعش لە چیای قەرەچوغ هێرشیانکردە سەر سەنگەرەکانی پێشمەرگە و بەهۆیەوە دوو پێشمەرگە بریندار بوون.
سەرچاوەیەک ئاشکرایکرد، پێشمەرگە هێرشەکەی چەکدارانی داعشی تێکشکاندووە و گومان دەکرێت دوو چەکداری داعش کوژرابن و چەند بریندارێکیشیان هەبێت.
ماوەی چەند مانگێکە بەهۆی فراوانی ناوچەکەوە، چەکدارانی داعش لە بەرزاییەکانی قەرەچوغ هێرش دەکەنە سەر دانیشتوانی ناوچەکە و پێشمەرگە، ئەگەرچی تا ئێستا چەند ئۆپەراسیۆنێک لەو ناوچانە دژی چەکداران ئەنجامدراون.
