بەپێی زانیارییەکانی پەیامنێری تۆڕی میدیایی ئێستا لە شاری کەرکوک، چەند چەکدارێک لە یەکێک لە گەڕەکەکانی شارەکە، چوونەتە سەر ماڵێک و بە بەهای 150 ملیۆن دیناری عێراقی دزییان کردووە.
پەیامنێری تۆڕی میدیایی ئێستا گواستییەوە، رووداوەکە لە گەڕەکی حەی واست روویداوە و ئەو چەکدارانە خۆیان وەک هێزی ئەمنی ناساندووە بە ماڵەکە و دوای ئەوەی چوونەتە ژوورەوە، قاسەی ماڵەکەیان بە خاوەن ماڵەکە کردووەتەوە و 60 هەزار دۆلار، 10 ملیۆن دینار و بە بەهای 50 ملیۆن دینار زێڕ و دوو مۆبایلیان دزیووە.
دوای ئەوەی شتەکانیانشیان بردووە، تەواوی ئەندامانی خێزانەکەشیان لەناو گەرماوی ماڵەکەدا دەستبەسەرکردووە و پاشان هەڵهاتوون.
