پۆلیسی سلێمانی بڵاویکردەوە، ئەو کەسەی لە گوندی گەورەدێی سنووری شارباژێر کەسێکی کوشت و کەسێکی دیکەشی بریندارکرد.
بەڕێوەبەرایەتیی پۆلیسی سلێمانی ئەمڕۆ چوارشەممە بڵاویکردەوە، “رۆژی 17 ی ئەم مانگە لە گوندی گەورەدێ لە قەزای ماوەت بەهۆی رووداوێكی تەقەكردنەوە كەسێك كوژرا و كەسێكی تر بریندار بوو و تۆمەتباری رووداوەكە هەڵات”.
ئاماژەی بەوەش کرد، “دوای رووداوەکە هێزەكانی پۆلیس گەیشتنە شوێنی شوێنەکە و لێكۆڵینەوەكان بۆ دۆزینەوە و دەستگیركردنی تۆمەتبار دەستیپێكرد، سەرەنجام تۆمەتبار خۆی رادەستی هێزەكانی پۆلیسی سلێمانی كرد”.
ئاشکراشیکرد، “لەئێستادا تۆمەتبار (ك ، ر ، م لەدایكبووی 1989 ) بەبڕیاری دادوەر و بەپێی ماددەی 406 لەیاسای سزادانی عێراقی راگیراوە و لێكۆڵینەوە لەگەڵیدا بەردەوامە”.
