شەوی رابردوو، گەنجێک لە پارێزگای میسان لەکاتی سەیرکردنی یاریی نێوان ریال مەدرید و مانچستەر سیتی گیانیلەدەستدا.
میدیا عێراقییەکان بڵاویانکردەوە، ئەو گەنجە ناوی عەباس مەریانییە لەکاتی سەیرکردنی یاریی نێوان ریاڵ مەدرید و مانچستەر سیتی لە بینای کافێیەک لە پارێزگای میسان، کەوتووەتەخوارەوە و گیانیلەدەستداوە.
ئاماژە بەوەش کراوە، تەرمی گەنجەکە رەوانەی پزیشکی داد کراوە بۆ لێکۆڵێنەوە لەهۆکاری کەوتنەخوارەوەکەی و دڵنیابوونەوە لەوەی کە هیچ گومانێکی تاوانکاریی لەسەر نییە.
شەوی رابردوو، لە قۆناغی هەشتی چامپیۆنزلیگدا، هەردوو یانەی ریاڵ مەدرید و مانچستەر سیتی رووبەڕووی یەک بوونەوە، ریاڵ مەدرید بە ئەنجامی چوار گۆڵ بەرامبەر بە سێ گۆڵ بووە براوەی یارییەکە و خۆی گەیاندە قۆناغی پێش کۆتایی چامپیۆنزلیگ.
