وەزارەتی بازرگانیی عێراق رایگەیاند، دەستیانگەیشتووە بە بڕی تەواوی گەنم بۆ پڕکردنەوەی پێداویستیی ناوخۆ، ئەو گەنمەی بەردەستە لە بڕی چاوەڕوانکراو زیاترە.
ئەسیر داود غەریری وەزیری بازرگانیی عێراق رایگەیاندووە، کۆی گشتیی بڕی بازاڕکراوی گەنم تا ئێستا بڕی چاوەڕوانکراوی تێپەڕاندووە، لەگەڵ بەردەوامبوونی پرۆسەی بەبازاڕکردن.
ئاماژە بەوەشدەکات، پێشبینی دەکرێت بڕی گەنم لەم وەرزەدا چوار ملیۆن بۆ چوار ملیۆن و 500 هەزار تۆن تێپەڕێنێت.
