لیژنەیەكی ئەنجومەنی نوێنەرانی عێراق میوانداریی بەڕێوەبەرانی بانكەكانی رەشید و رافیدەین دەكات بۆ تاوتوێكردنی هۆكاری دواكەوتنی بە بانكیكردن (توطین)ی مووچەی مووچەخۆرانی هەرێم.
لیژنەی دەستپاكیی ئەنجومەنی نوێنەران بە نووسراوی ژمارە (130) لە 17ی نیسان كە ئاراستەی وەزارەتی دارایی عێراقی كردووە، داوای میوانداریكردنی بەڕێوەبەرانی گشتیی هەردوو بانكی رەشید و رافیدەین دەكات.
بەپێی نووسراوەكە هۆكاری میوانداریكردنەكە بەدواداچوونی هۆكاری دواكەوتنی پرۆسەی بە بانكیكردنی مووچەی مووچەخۆرانی هەرێمی كوردستانە.
لیژنەكە كاتژمێر 12ی نیوەڕۆی رۆژی دووشەممەی هەفتەی داهاتوو 22ی نیسانی بۆ میوانداریكردنەكە دیاریكردووە.
