ئاژانسی رۆیتەرز بڵاویکردەوە، بەیانی ئەمڕۆ بە کاتی ئەمریکا، کە چەند کاتژمێرێکی کەم بەر لە ئێستا دەکات بە کاتی عێراق، بوومەلەرزەیەک بە گوڕی 4.7 پلە بە گوێرەی پێوەری رێختەر روویدا.
ئاژانسەکە ئاماژەی بەوەشکردووە، بەپێی ئامارەکانی لێکۆڵینەوەی جیۆلۆجی ئەمریکا، بوومەلەرزەکە لە ناوچەی شاری نیویۆرک روویداوە خەڵکی هەستیان پێکردووە و باڵەخانەکان لەرزیون.
جێگەی ئاماژەیە، ئەو ناوچەیەی بوومەلەرزەکە تێیدا روویداوە، ناوچەیەکە چالاکی بوومەلەرزەیی تێیدا زۆر دەگمەنە.
ناوەندی بوومەلەرزەزانی ئەورووپایی لە سەرەتادا بوومەلەرزەکەی بە گوڕی 5.5 پلەی رێختەر پێوانە کرد.
بە گوێرەی قسەی ئاژانسەکە، بوومەلەرزەکە لە سەرانسەری ناوچەکە هەستی پێکراوە، لەنێویاندا لە شاری نیویۆرک، نیوجرسی، باکوری پێنسیلڤانیا و رۆژئاوای کۆنتێکتیکۆت، بەڵام هیچ زیانێک تۆمارنەکراوە.
