کۆمسیۆنی باڵای سەربەخۆی هەڵبژاردنەکانی عێراق عەبدوڵای حاجی مەحمودی لە ریزەکانی پارتی سۆسیال دیموکراتی کوردستان دوورخستەوە.
لە نووسراوێکی رەسمیدا کۆمسیۆنی باڵای سەربەخۆی هەڵبژاردنەکانی عێراق ئاماژە بەوە دەکات، ”بەپێی دەستووری ناوخۆی پارتی سۆسیال دیموکراتی کوردستان دوورخستەنەوەی عەبدوڵا مەحمود ئەحمەد، جێگری سەرۆکی پارتەکە پەسەندکرا”.
بڕیارە ئەمڕۆ پارتی سۆسیال دیموکراتی کوردستان هەشتەمین کۆنگرەی خۆی لە گوڵەخانە ببەستێت و بە پێی وتەی فەرهاد تۆفیق، وتەبێژی ئەو پارتە چەند یاسایەکی تایبەت بە کاروباری حزبەکەیان هەموار دەکەنەوە و چەند بڕیارێکی نوێش دەردەکەن.
