بەڕێوەبەرایەتیی هاتوچۆی گەرمیان رایدەگەیەنێت، لە رووداوێكی هاتوچۆدا لە شاری كەلار كەسێك گیانیلەدەستدا.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمشەو لە نزیك نەخۆشخانەی لایڤ لە كەلار، ئۆتۆمبێلێكی جۆری نیسان ناڤارا بە ئاراستەی نەخۆشخانەی شەهید شێرەی نەقیب رۆیشتووە لە هاوڵاتییەكی داوە برینداربووە و دوای گەیاندنی بە نەخۆشخانەی فریاكەوتنی شەهید هەژار بەهۆی سەختی برینەكەیەوە گیانیلەدەستدا.
هەر لە راگەیەندراوەكەدا هاتووە، ئەو كەسەی گیانیلەدەستداوە لەدایكبووی ساڵی 1943بووە، تیمەكانی هاتوچۆ لێكۆڵینەوەیان لە رووداوەكە دەستپێكردووە.
