بەڕێوەبەرایەتیی هاتوچۆی گەرمیان ئاماری چەند مانگی رابرووی رووداوەکانی هاتوچۆی لەو سنوورە ئاشکراکرد، بەپێی ئامارەکە لەو ماوەیەدا 20 کەس بەوهۆیەوە گیانیان لەدەستداوە.
لە ئامارەکەدا هاتووە، لە سەرەتای ئەمساڵەوە، 201 رووداوی هاتوچۆ روویداوە لە سنووری گەرمیان، لەو ژمارەیە 91 رووداویان ماتۆڕسکیل بوون.
لە سەرجەم رووداوەکاندا 270 کەس برینداربوون و 92 برینداریان لە رووداوەکانی ماتۆڕسکیلدا بوون.
بەپێی ئامارەکە، بەهۆی رووداوەکانی هاتوچۆوە 20 مردن لەو ماوەیەدا تۆمارکراوە و نۆ لە حاڵەتەکان بەهۆی رووداوی ماتۆڕسکیلەوە بووە.
