نرخی نەوت بەشێوەیەكی بەرچاو لەبازاڕەكانی جیهان دابەزی و نرخی هەر بەرمیلێك نەوتی برێنت زیاتر لە سێ دۆلار كەمیكرد و بە 68.35 مامەڵەی پێوەكرا.
بەهۆی کاریگەریی بڕیارەکانی ڕێکخراوی ئۆپێک پڵەس ماوەی دوو ڕۆژە نرخی نەوتی خاو لە بازاڕەکانی جیهاندا بۆ نزمترین ئاست لە ماوەی دوو مانگی ڕابردوودا دابەزیوە.
ئەمشەو نرخی هەر بەرمیلێک نەوتی خاوی برێنت 3.44 دۆلار دابەزی کە ڕێژەی 5.87%ی نرخەکەیەتی و بەوەش نرخی هەر بەرمیلێكی برێنت گەیشتە 68.35 دۆلار.
هەروەها، نرخی نەوتی تەکساسی ئەمریکایش 3.65 دۆلار دابەزی کە ڕێژەی 5.08%ی نرخەکەیەتی و بەوەش گەیشتە 67 دۆلار.
هاوكات ئاژانسی ڕۆیتەرز هۆکارەکانی دابەزینی نرخی نەوتی بۆ ئەوە گەڕاندووەتەوە، ڕێکخراوی ئۆپێک پڵەس بڕیاری زیادکردنی هەناردەکردنی نەوتی بۆ بازاڕەکانی جیهان داوە و ئەوەش کاریگەریی لەسەر کەمبوونەوەی نرخەکەی هەبووە.
دوێنێ ڕێكخراوەكە لە كۆبوونەوەی ئاسایی مانگانەی خۆیدا ڕەزامەندی لەسەر بەرزکردنەوەی ئاستی بەرهەمهێنانی نەوت دا بۆ 3.5 ملیۆن بەرمیل نەوتی ڕۆژانە.
