ئیتاڵیا بەهۆی نەبوونی چاودێری بەسەر بڵاوکراوەکان لەڕووی ناوەڕۆکەوە بە بڕی دە ملیۆن یۆرۆ سزای بەسەر تۆڕی کۆمەڵایەتیی چینی تیکتۆکدا سەپاند.
دەزگای چاودێری وڵاتەکە ئاماژەی بەوەکردووە، رەنگە تۆڕەکە بە تایبەتی مەترسی لەسەر سەلامەتی منداڵانی خوار تەمەنی یاسایی دروست بکات و کۆنتڕۆڵەکانی کۆمپانیاکە لەسەر ئەو ناوەڕۆکە کە لەسەر پلاتفۆرمەکە بڵاودەکرێنەوە بەس نییە.
دەزگاکە رەخنەی لە ئەپڵیکەیشنی تیکتۆک گرتووە، چونکە لەبەرچاوگرتنی لاوازییە تایبەتەکانی هەرزەکاران بوونی نییە بۆ نموونە سەختی جیاکردنەوەی واقیع و خەیاڵ و مەیلیان بۆ شوێنکەوتنی رەفتاری گرووپی.
وتەبێژی تیک تۆک لە لێدوانێکدا کە میدیاکانی ئیتاڵیا بڵاویان کردۆتەوە وەڵامی داوەتەوە و دەڵێت، “تیک تۆک لەگەڵ ئەم بڕیارەدا نییە”.
ئەم سزایە ماوەیەکی کەم دوای ئەوە دێت کە ئەنجومەنی نوێنەرانی ئەمریکا دوێنێ رۆژی چوارشەممە دەنگی بە پڕۆژەیاسایەکدا کە داوا لە تۆڕەکە دەکات هەموو پەیوەندییەکانی لەگەڵ حکومەتی چین بپچڕێنێت و تۆڕەکەی لە ناوخۆی ئەمریکا قەدەغەکرد.
