ئەمڕۆ لە رێگەی گوندی توران لە سنووری گەرمیان ئۆتۆمبێلێک وەرگەڕا و دوو کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، نیوەڕۆی ئەمڕۆ لە رێگای گوندی توران نزیک ناحیەی رزگاری ئۆتۆمبێلێکی جۆری جێب واز کە بە ئاراستەی گوندی توران رۆیشتووە وەرگەڕا، بەهۆیەوە شۆفێرەکەی و سەرنشینێکی برینداربوون.
ئاشکراشیکرد، بریندارەکان گواسترانەوە بۆ نەخۆشخانەی فریاکەوتنی شەهید هەژار لە کەلار و لێکۆڵینەوە لە رووداوەکە دەستیپێکردووە.
