بەهۆی بەڕێوەچوونی ماراسۆنەوە سبەینێ بەشێکی شەقامی سالم لە بەردەم بینای شارەوانیی سلێمانی تاوەکو بەردەم هۆتێل سلێمانی پاڵاس دادەخرێت.
بەڕێوەبەرایەتیی هاتوچۆی سلێمانی لە راگەیەندراوێکدا بڵاویکردەوە، “شۆفێران ئاگادار دەکەین سبەی 9ی ئازاری 2024 ، کاتژمێر 10ی سەرلە بەیانی بەهۆی چالاکییەکی وەرزشیەوە کە منداڵپارێزی کوردستان سازی دەکات لە شەقامی سالم و لە بەردەم بینای شارەوانیی سلێمانی تاوەکو بەردەم هۆتێل سلێمانی پاڵاس دادەخرێت”.
لە راگەیەندراوەکەی هاتوچۆی سلێمانیدا هاتووە، ئەو بەشەی شەقامی سالم تا کۆتایی هاتنی ماراسۆنەکە بە داخراوی دەمێنێتەوە.
