بەهۆی هەرەسهێنانی بەفرەوە لە باکووری رۆژهەڵاتی ئەفغانستان لانی کەم شەش کەس گیانیان لەدەستدا و دەیانی دیکەش بێسەروشوێن بوون.
میدیا ناوخۆییەکانی ئەفغانستان بڵاویانکردەوە، ئەمڕۆ بەهۆی زۆری بەفربارین لە باکووری رۆژهەڵاتی ئەفغانستان رووداوێکی هەرەسهێنانی بەفر روویداوە.
ئاشکراشیکرد، لانی کەم شەش کەس گیانیان لەدەستداوە و دەیانی دیکەش هێشتا لەژێر بەفرەکەدا ماونەتەوە، تیمی فریاکەوتن گەیشتوونەتە شوێنەکە بەڵام بەهۆی بەردەوامی بەفربارین هەوڵەکانی رزگارکردن سەخت بووە.
