سەنتەری کۆنتڕۆڵکردن و خۆپاراستن لە نەخۆشیەکانی ئەمریکا رایگەیاند، “پێشبینییەکانیان ئاماژە بەوە دەکەن کە تووشبوون بە JN1ی گۆڕاوی نوێی کۆڤید-19 لەنێوان 39 بۆ 50٪ی کۆی گشتی تووشبووان لە ئەمریکا تا 23ی کانوونی یەکەم پێکدەهێنێت”.
بەپێی ئاماری سەنتەرەکانی کۆنترۆڵکردن و خۆپاراستن لە نەخۆشییەکان تاوەکو 8ی کانوونی دووەم 15٪ بۆ 29٪ توشبوون بەو جۆرە نوێیەی کۆرۆنا زیادیکردووە و ئێستا بووەتە بەربڵاوترین گۆڕاو لە وڵاتەکەدا.
ئاماژەی بەوەشکردووە، “ئەم زیادبوونە بەردەوامە ئاماژەیە بۆ ئەوەی کە پێدەچێت گۆڕاوەکە زیاتر بتوانێت لە کەسێکەوە بۆ کەسێکی دیکە بگوازێتەوە یان کاریگەرتر بێت لە تێپەڕاندنی سیستەمی بەرگری بە بەراورد بە جۆرەکانی تری ئەو ڤایرۆسە”.
رێکخراوی تەندروستیی جیهانی پێشتر رایگەیاندبوو JN1 جۆرێکی نوێی کۆرۆنایە و بەڵگەکانی ئێستا دەریدەخەن ئەو مەترسییەی کە لەسەر تەندروستیی گشتی دروستی دەکات کەمە.
